தேசிய சுற்றுலா தினம், குடியரசு தின விழாவையொட்டி தஞ்சாவூா் அருங்காட்சியகத்தில் தஞ்சாவூா் சுற்றுலா வளா்ச்சி குழுமம் சாா்பில் 5 நாள் கலாசார திருவிழா புதன்கிழமை மாலை தொடங்கியது.
இவ்விழாவை மாவட்ட ஆட்சியா் தினேஷ் பொன்ராஜ் ஆலிவா் தொடங்கி வைத்தாா்.
தொடா்ந்து, நடராஜா நாட்டிய குழுவினரின் பரத நாட்டிய நிகழ்ச்சி, நடுவூா் அரசு உயா்நிலைப் பள்ளி மாணவிகளின் மேற்கத்திய குழு நடனம், குலமங்கலம் அரசு உயா்நிலைப் பள்ளி மாணவிகளின் கிராமிய நடனம், கள்ளப்பெரம்பூா் அரசு உயா்நிலைப் பள்ளி மாணவியின் நாட்டுப்புற பாடல், கும்பகோணம் அன்னை கலை கல்லூரியின் கொக்கலிக்கட்டை, மயிலாட்டம், கரகாட்டம், துளசிராமன் குழுவினரின் சிலம்பாட்டம், கலைமாமணி தேன்மொழி ராஜேந்திரனின் கரகாட்டம் ஆகிய நிகழ்ச்சிகள் நடைபெற்றன.
இவ்விழாவில் மாநகராட்சி ஆணையா் க. சரவணகுமாா், செயற் பொறியாளா் எஸ். ஜெகதீசன், மாவட்டச் சுற்றுலா அலுவலா் கே. நெல்சன், சுற்றுலா ஆலோசகா் ஆா். ராஜசேகரன், போக்குவரத்து காவல் ஆய்வாளா் எம்.ஜி. ரவிச்சந்திரன், இன்டாக் கௌரவ செயலா் எஸ். முத்துக்குமாா் உள்ளிட்டோா் கலந்து கொண்டனா்.
தொடா்ந்து ஜனவரி 29 ஆம் தேதி வரை மாலை 6.30 மணி முதல் இரவு 8.20 மணி வரை நடனப் பள்ளி, அரசு பள்ளி, கல்லூரி மாணவ, மாணவிகளின் கிராமிய கலை நிகழ்ச்சிகள் நடைபெறவுள்ளன.
