இயக்குனர் பாரதிராஜா உடல்நலக்குறைவு காரணமாக மருத்துவமனையில் அனுமதிக்கப்பட்டுள்ளார். இயக்குனர் பாரதிராஜா தற்போது நடிப்பில் கவனம் செலுத்தி வருகிறார். குற்றமே தண்டனை, ராக்கி, ஈஸ்வரன், திருச்சிற்றம்பலம் ஆகிய படங்கள் இவரது நடிப்பில் அடுத்தடுத்து வெளியான படங்கள்.
சமீபத்தில் வெளியான திருச்சிற்றம்பலம் படத்தில் பாரதிராஜாவின் நடிப்பு கவனத்தை ஈர்த்தது. இந்நிலையில், இன்று அவர் திடீர் உடல்நலக்குறைவு காரணமாக மருத்துவமனையில் அனுமதிக்கப்பட்டுள்ளார்.
பாரதிராஜாவின் மகன் மனோஜ் அவரது உடல்நிலை குறித்து செய்தியாளர்களிடம் பேசினார். மனோஜ், “அவர் வழக்கமான நீரிழிவு பரிசோதனைக்காக மருத்துவமனைக்குச் சென்றார். உப்பின் அளவு குறைந்தால் அவருக்கு நீரிழப்பு ஏற்பட்டுள்ளதாக பரிசோதனை அறிக்கைகள் தெரிவித்ததை அடுத்து, சில நாட்கள் ஓய்வெடுக்குமாறு மருத்துவர்கள் அறிவுறுத்தினர்.
அதன்படி அவர் மருத்துவமனையில் அனுமதிக்கப்பட்டு சிகிச்சை பெற்று வருகிறார். அப்பா இப்போது நன்றாக இருக்கிறார். சில நாட்கள் ஓய்வெடுத்துவிட்டு வீடு திரும்புவார்” என்றார்.